اهلييييييييييين

ايش اخباركم..

بدخل في الموضوع على طول..
من يومين وديت جهازي لمحل في ابراج الدوسري اسمه(نسوب للحاسوب)

سألته بكم يركب درج dvd يكتب,لأن حقنا بس يقرأ.. قال 170 ريال
قلت اجل مايحتاج..

بس سوي الفورمات وحط البرامج اللي طلبتها..
ويصلح مشكلة الهارد ديسك اللي الجهاز مو راضي يتعرف عليها..

بس قال ان المشكلة في الـUSP بانها قديمة ولازم يركب جديدة
قلت: اجل لا مايحتاج

ثاني يوم اخذته بعدين اكتشفت انه فصل المودم......يعني بالعربي ما يشتغل النت
ودرج الـ CD-ROM صار بس يقرا مايكتب

يعني ما صار عندي ولا طريقة اقدر اخزن فيها اي اغراض من الكمبيوتر >>>>خارج الكمبيوتر في (سي دي-دي في دي-هارد ديسك....ولا شيء)

طبعا اتصلت عليه قال السالفة طويلة جيبيه المحل
وديته لمرة الثانية..
صلح النت..

قلت له: ودرج السي دي روم ..صلحته!!
قال:انه خربان ولازم اشتري من عنده درج DVD
قلت له:الدرج توه جديد شاريته وكان صالح وتمام قبل ما اعطيك الجهاز بمجرد ما اخذته من عندك ماصار يشتغل
قال: ان هذي مو مشكلته وهو مالو سبب ودخل في اللي حصل>>>>>انا هنا طرطعت
كان ودي انفجر فيه بس المحل كلو رجال>>>>لا عاقلة والله

بس الكلام مايودي ولا يجيب والأخ كان راسه يابس

واضح جداً ان هذه حركة تخريبية متعمدة علشان اشتري من عنده درج DVD
بس اقول حسبي الله ونعم الوكيل فيه
>>>>>معصبةانتبهوا منه

الحين المشكلة اللي اتمنى تساعدوني في حلها هي:

إنو لمّن ادخل سي دي فاضي بدرج CD_RW ROM يطلع تنبيه يقول f:/ الدالة غير صحيحة

ولا يسوي قراءة تلقائية ولا اي شيء


الي يعرف الحل رجاءً لايبخل علي..

الموضوع الأصلي: تكفون..طلبتكم تساعدوني المحل خرررب جهازي:( || الكاتب: أميرة الشرقية || المصدر: منتديات الأماكن

المصدر: منتديات الأماكن