الهيــــــــــــــــس الاربـــــــــــــــــد من تأليفي

ads
دليل المواقع السعودية	انشأ رابط لصفحاتك	اعلانات المبوبة	نشر بلس	اختصار واتساب

احصائياتى



الردود
11



المشاهدات
587

عضو أمتعنا وجوده



المشاركات
134



+التقييم
0.02



تاريخ التسجيل
Feb 2008



الاقامة



نظام التشغيل



رقم العضوية
14830

12-02-2008, 09:30 PM

المشاركة 1

12-02-2008, 09:30 PM

المشاركة 1

الهيــــــــــــــــس الاربـــــــــــــــــد من تأليفي

الهيــــــــــــــــس الاربـــــــــــــــــد من تأليفي

انا احبكم ((ساحر القلوب )) قبل لا تبدئ موضوعك.. بلز .. يا ليت تكلمنا عن حياتك شوي ..

خاصتا وأننا سمعنا أنك تسحتي ,, تفضل أحلى ماايك

-*- من يومني صغير من زود حياي يسموني البنيــّـــه .. ليـــه مدري ,,,

*/ طيب انا احبكم(( ساحر القلوب ))... اذكر لنا موقف يدل على انك حياوي ؟

-*- كنت فالسوق كان قدامي بنتين لابسين عبايات سترتش ضيقه مره.. هع هع

وهذي مهيب مشكله ,, المشكله وقلت الحيا انهم مالبسو صراويل..هع

قلت لهن يا اختي جزاك الله خيرا لماذا لم تلبسي صروال..

<<<== مهوووب عاقل الهيئة هع هع

ورقعتني بشنطتها في وجهي وراحت ..

لكن انا انسان ادور الاجر ومنيب تاركهم لازم انصحهم..هع

وقلت خل اكلم الثانيه ,,,

واناديها على جنب واقول لها يا اختاه اني ارى في عينيك نور الايمان ..

ولا اعتقد انه يجهلك ان لبس الصروال سنه ,,هع هع

وطمنت راسها وحسيت اني احرجتها ,,,هع

وقلت لها ابغى اهون عليها وأواسيها ..

معليش يمكن انتي كنتي مستعجله..

ولا امداكي تلبسينه عادي ....

واهم شي احساسك وندمك الي انا شايفه في عيونك ..

وما دريت الا هي مطمنه وماخذه كعبها وفي نص الجبهه...

وعرفت انها كانت مطمنه تبي تتاكد..

انه يمديها تلقط الكعب وترقعني به قبل ما انحاش...

8
8

هذا مهب الموضوع .. بس شئ بسيط يدل أني حياوي حدّي هعهع

,
,
,

~ ~ ~ ~ ~ ندخل في العمـــــــــــــــق ~ ~ ~ ~ ~

هاااك العصريـّـه منسدح بالمجلس .. مشغل الستلايت على L B C
متبطح قدام التلفزيون .. ومفهى حدّي مع برنامج ما إلك إلآ هيفاآآ>>>>>> قديييييييييييييم ههههههه
يا ولد لزوم نمارس هالرياضه مثل حقين لبنان ذولآآآآ ...
والله وتطلع هيفاااء لابسه ترنق أحمر ...أنعل أم الفلللللللله يا شيخ ...

))
((
))

وأنا كذا .. شوي وأمي تزااااعق مع الشبـّـآآك:
ساحر القلووووووووب يا مااااال الرفااله قم ودني للسوق.. ..>>> طبعا باسمي الاصلي ما تناديني ساحر القلوب هههههه

أنا :
يماااه خليها باجر ما تشوفيني حاشر نفسي بالمجلس جالس اذاكر..

ورااي أختبار أقشر والمدرس متحلف فيني ?<~~ يقطع أم الشليخه بس

الموووهم ..
هع
وألبس العجيـّــز وهااات يا طنااااش وأرجع أتابع البرنامج

شوي وأنا متبطح قداام التلفزيون ما حسيت الا وأبوي دااعس راسي .. هعهع

ويصااايح في أذني :

قم أقلع أمك وأخوانك للسوق لابوكم لابو من جمعكم فيذا يالسمرمد.. هع هع

والله وتصير النفسيه زي الزنوبة ..هع

وأنا اللي أقوم و روحي تقطر مع البرنامج ودي أتابع الرياضه ?

وأجمع أخواني السمرمد ونطقم كلآآآتنا بالترنقاااات الخضر بو خطيـّــن

وجواتي أديداااس إلا الصغير لبس صندل <~~ يقال له متميز وكاشخ هع

الوكاااد مالكم بطولت الهرجه..

وأكدهم في صندووق الوانيت وأدز على مجمع الراشد ..

~~~~~~ عند الإشاره ~~~~~~

راعي فياقراا :
يا الحبيب على كم الرااس من ذوولااا اللي في الصندووق.. هع هع

وأنا أللي أقمط العافيه ( تقول لازخني شوط كهرب 220 )

أخاف أناشبه يطلع ولد وزير ..هع

وأسوي روحي ملتهى بالراديوو من الربشه <<= ابو التصريف هع هع

ما حسيت إلا وأخوي اللي في الصندووق ورى :

يااااي يالخكري ,,, مع وجهك يا المذرااقه .. لو فيكم خير يا الخكارا ,,
ما كاان دجاجكم يبيض بدون ديك <~~ وش طرااه الدجاج عليك يا الماصل..

((و قاموا يشاتمونه )) هع هع

راعي الفياقراا ( يحب يده وجه وقفى ) :

أيه ,, ذاا اللووح اللي يسوق شكله يبي يوزعكم على الاشارات

والمجمعاات التجاريه لزووم التسوّل والشحاذه يا الدشيرة

<~~ الى الان قامط(ن) العافيه

ما حسيت الا طلعوا خواني النبابيط والمقاليع ,, يوم شافهم انحاش من عند الاشارة الاشاارة وشرد..

وأنا اللي أنزل من الوانيت وأصيييييح وأناديه :هع هع

الله آآآآبووك .. أيييييه لو فيك خير كاان أنتظرت ,, والله كاان ليفتك بمفتااح الكفرااات ذا
وسدحتك فيذاا وفركت علابيك على الرصيف يا السرسري ...هع هع

<~~ ما عنده غير الهيااط وقلت السنع وهو اكبر ذروووق

الوكااد >> يعني المهم هههه

~~~~~~~~ وصلنا المجمع ~~~~~~~~~

ونزلناا من الوانيت ,, حنا ولبسنا .. طقـّـه وحدّه اللـّـي يشوفنا

يحاسبنا المنتخب السعودي للناشئين برحله إستكشافيه هع هع
المووهم

أول ما دخلناا المجمع .. تذكرت أمي ,,, أووف وش اللي خلاني أنساهاا ..

وأنادي خواني يلاا يا الهيلق على السيارت بنرجع ... هع

ألاآ وهم ركـْـضـه على السلالم الكهربآآئيه صاعدين نازلين هالمشافيح

ذااك نازل يركض والدرج صاااعد وذاااك عااكس .. لحوول

وذاا مرة متبطح على السلـّـم ... ومرة يسوي فراشه يقال له فـ بركه.. هع هع

وذاااااك أخوي الدب يسد على الناااس ما يبيهم يصعدون

حتى جااه وااحد مستعجل ,, وخـّـر يد أخووي وهو مستعجل..

حطها في راسه أنه يسابقه<~~ أخوانه عاهات يالله لك الحمد .. هع هع

وأنا أمسك هذااا وأجيب ذاااك وأكتف ذااا وأتحلف بذاااك.. ..

لمحت بطرف عيني ,, إن وحده تخزني ? صار لها فتـّـرة <~~ ضاعت علومي ?

والله فرصتك شرقاااوي ترقمها هع هع (( هذا ابليس كان جنبي هع هع ))

وأقعد أغمـّـز لها بعويناتي وأرقــّـص حجـّـاني وقلبي غدآآآ له نفيض..

يااا ولد والله عليها عيون ~~~~~~~> غزااال

أنا من أول نظرة وأنا خااااق معاها ( حبيتها ) ,,,,,,,

وركـْـضه أزبن الحمام وأمشط الكشة هع ... وأشيك على سكبتي...

وأمسمس خدودي أبيها تحمــّــر أكثر... وأدهن رموشي بسعابيلي ..

<~~ يقاال له على الترنق الاخضر لبنااااني على غفله هع هع

وأسجل الرقم وأنا قااامط العافيه من الهيئه أخاف يصيدوني

<~~ مدري وش عند القمطاات علي اليوم

(( فيذااك اليوم سجلت أكبر عدد تقميط في موسوعه غنيس )) هع

والله وأمر من جمبها وأحذف الرقم بالكيس ,,,

شاافوني خواني قااموا يصفقوون ويصفرون من الشفااحه الله يرجهم ..

وأنا اللي من الفرحه أخذهم على الكفترياا ,, وأقول لهم بهالمناسبه

كل واحد فلافل وسن توب على الحساب ..

وحنا جالسين بالكفتريااا نتهاوش على المخللااات

نقز أصغرهم يصييييح في إذني :

شاف ساحر القلوب الحرمه واقفه عند باب المطعم الظاهر تبغى سندويسه

ألتفت ,, إلا صدق واقفه بعيد تناظرني بكل جرئه ...

أشرت لها بقرطااس سندويسه ........... ماااش ما تبي هع هع
أشرت على العصير ........... ماااش ما تبي هع
أشرت على صحن المخلاااات ......... مااش ما تبي هع
أشرت لها بحدى خواني .........برضه ماااش ما تبيهع

لحوول وش تبي ذي ...

والله ونلم عفوووشنا ونتسحب على السيارة والا والحرمه تمشي ورااااي

وأنا اللي أطنشهااا وأقول في نفسي :
( وش ذنبي إذا الله خلقني جميل وهذي تلاحقني )هع هع

والله وأصعد الوانيت وأخواني طمروا على الصندووق ..

إلا والحرمه اللي رقمتها صعدت بالمرتـبـَــه.. بجمبي ..

<~~ ركبي جتها النفاضه من الرووعه <~~ معلوم يا المشفوح هع

والله وحنا كذا وأنا منصدم من الموقف

ما حسيت الا بلززخه نعاااال بنص الجبهه

ما أمداني أشلع الزنوبه ,, إلا والحرمه رفعت برقعها

أبقق عيوني ,, الا وهذي العجيـّـز حلوة اللبن ( امي ) ما غيرها..

وأنا من شوي مرقمها <~~ هذا طبع الخكاريه ما يعرف أمه أذا تغطت هع

أمي :
لاااه يا الهيس الاربد بعد قاااط رقم تلفونك بالكيس هاه هع
أيااا اللووقي ,,, ما بقى الا أنت أخذ رقمك بعد كل هالعمر

انا :
والله أنك حوطيه ومجمعه دلاخه الرياض والشرقيه باذانيكي .. يوم عرفتيني ليش ما تكلمتي ..
- إلا يماااه وشلون تعرفتي على أبوي أجل ههههههههههههههههه

أمي :
أنثبر بلا بثارة وشوف دربك على البيت.. هع هع

أنا :
طيب ... بس يمااااه شلون جيتي على السووق لا يكون أستخدمتي مكناستك السحريه هع هع (( عرفتوا المكنسة هع هع))

أمي :
أبوك جابني بس بعد المطاقق والهوااش .. وقاال خلي الهيس الاربد يرجعك

أنا :
يمااااااااااه , وش معنى الهيس الاربد

أمي :
أنطم وبلاا لقاافه (( مرة امي اخلاقها سياحية هع هع ))

,

,

,

زبده السالفه ...

لـَيْسَ كُلُ مَا يَلْمَعُ ذَهَبَآآآ هع

<<== وش دخل ذا هالحين هع هع هع

وانتهت السالفة هع هع

=====================

بس ترى ابقولكم شى

ترى ذا السالفة والموضوع من نسج الخيال

كل تألييف اوكي

تحياتي وتقديري لكم

اخوكم ومغليكم انا احبكم (( ساحر القلوب ))

<<== الله يشفيك بس هع هع

الموضوع الأصلي: الهيــــــــــــــــس الاربـــــــــــــــــد من تأليفي || الكاتب: ساحر القلوب || المصدر: منتديات الأماكن

www.al-amakn.net

كلمات البحث

الأماكن , الاماكن , منتديات الأماكن , اسلاميات , صور اسلامية , سياحة , سفر , المرآه , سيارات , فيديوهات اسلامية , برامج , صور , عالم الحيوان , جوالات , اتصالات

المصدر: منتديات الأماكن

hgidJJJJJJJJJJJJJJJJs hghvfJJJJJJJJJJJJJJJJJ] lk jHgdtd

ملتقى الاماكن

الاماكن كلها مشتاقة !

« لا تصحيني للمدرسه .. قصه روعه !! | هنا تم الكشف عن هوية (( العضو المجهول )) »

الذين يشاهدون محتوى الموضوع الآن : 1 ( الأعضاء 0 والزوار 1)