النفس ضنكه والقصيـده لهـا روح=في صدر منهـو لابغاهـا نظمهـا
سر ياقلم هات المعاني علي لـوح=واللي قراها يفتكـر فـي حكمهـا
نساير العالم علي ضحك ومـزوح=فالوجـه نعطيهـا ماناكـل لحمهـا
فرق العمر ماله علي العقل مصلوح=المصلح الله والعقـل مـن نعمهـا
قال الولد يظهر علي النكح والنوح=امـا كحلهـا طيـب والا لطمهـا
لاناطح(ن) طرقي ولا الباب مفتوح=تقصر خطاها مسقط(ن) في قيمهـا
ترى المراجل عند منهو له شبـوح=من صغر سنه مارتخاء في هممهـا
اليا نخيته وقت طـارح ومطـروح=يارد ويصدر ليـن يقطـع نسمهـا
للمجد من يبني على دربه صـروح=تركز لـه الرايـه يثبـت علمهـا
اللي سعي للمجد بالذكـر ممـدوح=حتي ولو كان اعجمي من عجمهـا

الموضوع الأصلي: من سعى للمجد || الكاتب: سطام ابوسنون || المصدر: منتديات الأماكن

المصدر: منتديات الأماكن