أبي وردة بغصن اخضر تنسيني مدى الأحزان=أبي اجلس أنا وياك وأنسى حظي الــجاني
تقول اشتقـت لعيونك واقول بشوفتك هـيمـان=بقى ضحكه من شفاتك واصير بعالم ٍ ثاني
خسارة ضاعت أحلامي وطارت بالعقول أزمان=جحدني وقتي الظالم ونسوني اكثر أخواني
غريبة عيدي ميلادي بدا مع مولد الأحزان=ألا يا ليتني دالـه عن التاريخ وأزماني
لقيت إثباتي الشخصي قريت بأول العـنوان=(بقايا الحزن) هو اسمي صراحه حيل بكـّاني
ألا يا ليتني كاهن واقول إن الزمن غـلطـان=ألا يا ليتني كاهن وأكـّذب كل من جـاني
خسارة عشت في دنيا دنيئه كلها أحزان=تفرحني وتجرحني وأنا ساكت على أحزاني
أبي أصـرخ أبي اجرح أبي اشكي من الحرمان=وأبي أبكي على عمر ٍ قضيته بس .. وحداني
ظروف الوقت هي ضدي وزّود ظلمها الهجران=ألا ياوقت أبي اعرف .. وين الحزن ودّانـي
تخاوينا انا والحزن ..أنا المركب وهو القبطان=أبي اطلع من الميناء .. صعبه دون قبطاني
أنا أصبحت مثل اللي ترك حاجه وهو نـدمـان=رجع نادم بيأخذها .. وخذها واحد ٍ ثاني
تخـّيل كسرة الخاطر .. ألا عيشة الحرمـان=كـذا حـالي عقب فرقاك... ألا ياكيف تنساني؟
أنا حظي مثل حالي .. مريض ودايم تــعـبان=وحيد بـديـرة الغربـه ألا يـاويـن خلانـي
أنا توي صغير السن ولكن شفت لي خلان=أمـوت من القهر والضيم ومابه شخص واساني
غريبه عيدي ميلادي نسى إن اسمي بقايا احزان=تركني بعالم ٍ مجهول ارّدد : ( ليتني فــانـي )

الموضوع الأصلي: خسارة ضاعت أحلامي وطارت بالعقول أزمان || الكاتب: The big Heart || المصدر: منتديات الأماكن

المصدر: منتديات الأماكن