ترآ مآني حزين ..

لاعتني الدنيـا وجربـت السنيـن !!
وانا احمد الله عـن غثاهـا واشكـره

اطوي همومي وسط قلبي واستعيـن
الطيب .. آداريه / واللاش.. احقـره

ما دامني مركي على الضلع المتيـن
اللي يبـي فرقـاي .. محـدٍ يجبـره

تعبت من ذااا اللي بجرحـه يستهيـن
وانااا اتدارى كل جرح (ن) .. واستره

حشمـت غلطاتـه لعيـن الطيبيـن
وهو يزيد الجـرح بالجـرح اشكـره

يمدلي يسرآه وامد آليميـــــن
يامهول الذنب العظيـــم ومكبـــره

قسـم .. قسـم بالله رب العالميـن !!
ما يوجع الصاحـب ولا هـو يقهـره

إلا الرفيق اللي قطع عـرق الوتيـن
اتلى العهد به فـي يمينـه يبتـره !!

شيضيق بالرجال يا العـذر السميـن
مهما عذرته فالزمـن مـا يعـذره !!

يا هل النفوس الضايقـه لا تستحيـن
ما تاقف الدنيا علـى ( سبـة مـره )

اللي خطـا مـره .. فحـده مرتيـن
والعفو مهمـا كـان عنـد المقـدره

ومن طاح من عيني ترى ماني بحزين
( البعد من بعض المخاليـق خيـره )

تناهيت وهموم ..

ويش انت تبغي بي .. معا طاري النوم
طيفك يبيتنـي .. ولابـه منآآآآعـه ؟؟

احط خدي شوي واطريك . . . واقـوم
ويغزي السهر عيني ولآبه .. فرآآعـه

اسري وادور خط ماهو بـمزحـوم ؟؟
واقول للهاجوس .. سمعـآ وطاعـه ؟؟

من غبت حآفظ لك وسط جوفي البـوم
مآ آغير آقلب بالصورّ . . . كل ساعه

وجهك على جـدار المعاليـق مرسـوم
عين المهاه .. وخـد يبـرق شعاعـه

عز الله ان النـآس معطـى ومحـروم
فلان شآري فـلان وفـلان .. بآعـه

غدآ بك الوقت الردي جعلـه القـوم ؟
والروح عقبك عايشه ... في مجآعـه

غذيتهآ .. دمع وتناهيت .. وهموم ؟ ؟
والقلب لآ غذي مـن الصبـر زآعـه

اي والله احبـك لا ادري وش آلــوم
الوم وصلك ولا الوم .. انقطاعـه ؟ ؟

بآحلفك بالله .. هـو يقبـل السـوم ؟؟
قلب " ما صدق فيك .. هرج الاشاعـه

واحلفـك بالله .. والقلـب مضيـوم ؟؟
متاك تنسى عاشقـك .. وارتياعـه ؟؟

حبك بكوم .. وصدك التالـي بـكـوم
فليت لجروح الليالـي .. شراعـه ؟؟

انا كان ما يجيبك سوى جرح وسهـوم
اجرح ويفـدآآآك الحشـآ .. والتيآعـه

قصآيدي بآسمك .. سبت كـل مهيـوم
لين فضحتني .. في عيـون الجمآعـه

ياللي توآصل يوم .. وتغيب كم يـوم ؟
غلاك في نقصان .. عقـب ارتفاعـه

سكين غدر الوقت .. قاتـل ومسمـوم
ويالله سترك .. من طعـون البشاعـه

متسحرك قلبي .. ولا فادك بك صـوم
مآ كني موصيـك .. واقـول رآآآعـه

مابه على دنيا الفنـآ .. حاجـه تـدوم
واكبر دليل .. الحب .. ضعت بضياعه

يا ليل .. وش سرآك في قلب مظلـوم
منت برفيق لـي ولا لـك .. وداعـه

سريت متثبـت .. وذا الحيـن منجـوم
وش يرحم المشتآق .. والشوق لاعـه

فـيا من .. تقول ان الحكم دايمـه دوم
وش رايك ان الضد .. يصبح ( قناعه )

ركز معي .. وآسمع مفآهيـم وعلـوم
عشآن تدري كيف حبـك .. الصناعـه

الخبث في الاعدآء .. ما يلحقـه لـوم
والكذب لجل الوصل .. ينهي القطاعـه

وطعم السهر بالحب آحلى مـن النـوم
والذل من فرقـآ المحبـه .. شجآعـه

يعني آكون آغليك .. وآعيش محـروم
احسن من جروحك علي كـل ساعـه

بافارقك ..

بافارقك .. لو كان ما اختـرك فرقـاك.
..بافارقك .. وآنـا في رجـوى وصالـك

البعد لو به خير مـا كـان خـلاك ؟؟.
...تقطع مـن عيـون المحـب اتصالـك

ما اكثرك فالصده وفالوصل ما اشـواك.
...الكبر لله .. ( لا يغـرك جمالـك ) !!

خليتنـي للبعـد .. والبـعـد قـسّـاك..
..خلاك تنسى واحـد" قـد وفـا لـك ؟؟

سليت سيف الهجر ؟؟ كني من اعـداك.
....وذبحت شوق الروح شاللي جـرى لـك

العام مـا تصعـب الـى قلـت بلقـاك
.....واليوم من دون المواصيـل هالـك ؟؟

منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك

لو انك بترجـع كثـر مـا آتمنـاك ؟؟.
....ما كان ذا حالـي .. ولا ذا بحالـك ؟؟

كثر الجفا وآنـا أستغفـر الله اشـراك
....حبك كفر بي .. لعنبو من صفـا لـك

خذاك مني البعـد مـا عـاد بقـاك ؟؟
.....لكن علـى قـول المثـل مـش حالـك

تدري وش اللي يقتل الشـوق يـا ذاك
....لاني بولد عمـك ولا ولـد خالـك ؟؟

الشوق برد .. ودافـي الوصـل لقيـاك.
....وثلج الجفا خـرب طريـق اللقـا لـك

علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك

تبغي تضيق خاطري جعلـه فـداك ؟؟
.....مهوب انا اللـي يعاتبـك فـي حلالـك

طلبتني قلبي وانا قلـت لـك .. جـاك.
....والحين سو بخافقـي مـا بـدا لـك ؟؟