حنا الخليج أهل الكرم والمروات= وحنا هل المعروف والطيب حنا
حنا هل التاريخ واهل البطولات= لو تنشد التاريخ يخبرك عنا
من الرياض الى قطر والامارات= ومن الكويت الى المنامه وطنا
ولسلطنة قابوس راع المهمات=السادسه من دونها ماكملنا
شعب الخليج أخوان ماهي روايات= نسمع بها من يوم حنا خلقنا
متوحدين ولانعرف الحزازيات=مانفترق لو نختلف مع بعضنا
مانفترق لو فرقتنا المسافات=وقلوبنا متقاربه لو بعدنا
كلٍ يبي تفريقنا مير هيهات=لو كثرو العدوان منا ومنا
في ظل قادتنا نعيش المسرات=ومن طيب قادتنا بلا شك طبنا
ياهل الخليج اليوم فالوقت ميلات=اخذو حذركم والعدا لاتغدرنا
توحدو ياشعبنا للملمات=اليوم كلٍ طامعٍ في رغدنا