●●
.
.




غياب وملتقى اغراب ..,


يالارض .. يالارض الورق ..,


يا كذبةٍ بيضا .. وغصّت بالسواد ..,


كفايه تهدرين العشب فينا ..,


[ للسنين ] و [للجراد ] ..,



اغيب ..,


ويطل ( الحنين ) بخيمة عيوني ..,


اكابر .. والدموع اوتاد ..,


كان [ الحزن ] سجّان ..,


وكانت هذي الارض .. اربعة جدران ..,


( ولا ناحت بلاد ولا حمامه ) ..,


لا ..


ولا هم يحزنون ..,


كنت [ انا ] المطعون ..,


تبكيه القصيده ... والبكى موزون ..,


لكن الشاعر بقى محزون ..,


وانا مثل ماكنت اغيب ..,


اشوف اقدامنا ..,


مثل توابيتٍ تشيل اجسادنا ..,


واجسادنا فوق الورق ..,


تطفي وترسم بالرماد ..,


سفينةٍ مكسورة الساري على عكازتين من الخليج ..,


[ صدفه ] .. تناستها المواني والبلاد ..,


وانا تركتكـ يالـ سواد ..,


تطوّق ارقاب النجوم .. وتضحكـ الظلما ..,


وتطيح من هذا السحاب الجرّه المرّه ..,


بغير المــــا .,


ونمشي .. والطريق اعمى ..,


ويشرب من طري اقدامنا .. ويضمى ..,





يالغايبين ..,


يالغارقين بحزننا ..,


ردوا نخيل اصواتنا ..,


ردوا ملامحنا علينا ..,


يمكن اصدق ماتعلمنا نحبه ..,


فاتنا ..,


لا تكسرون الناي والراعي حزين ..,


ردوا عليه وسادته ..,


و[ العَـبره] اللي كانت بصدره سنين ..,


اسراره اللي دسّــها بـ (الناي) ..,


بعيونه تبين ..,



واصيـح ..,



يالارض الورق ..,



اصيــح ..,


اصيــــح ..,


احاول اسمع ما تقول الريح ..,


اصيـــح ..,


وكنت اركض ..,


وكان الدرب قدامي يطيح ..,


مثل الطواحين القديمه كانت ايامي تعد الريح ..,


في كل ليله ..,


كنت اعد اللي رموني في حصى ( الفرقا ) ..,


واودعهم ضريح ..,


في كل ليله ..,


كنت اداوي داخلي [ طفلٍ ] جريح ..,


من علّم السكين .. طعم صراخنا ..؟


من علمه فينا ينام ويستريح ..؟


من علّم الشكوى جراح الشيح ..؟


والمطفي يصير اقوى ..؟


اصيـــح .. لكن بلا جدوى ..,



تركتكـ يــ [ المطر ] مثلي تبوح المـــا ..,


تحاول .. عاجزه ..,


تدميكـ اصابع الشكوى ..,


كانت مسامير البكى ..,


بعيوننا تطــــوى ..,


كانت بلا جدوى ..,


لا حــزن كان ولا عتـــاب ..,


ولا (طيورٍ) ترمي اسرار الليالي من ورى الابواب ..,


مثل المواني .. كانت عيوني ..,


زحام و ملح ..,


كانت [ غياب ] ..,


وملتقى اغراب ..,


طفل بلا ثياب ..,


وصيادٍ عجوز .. تبيعه الوحده على الكوخ القديم ..,


مسافرين ..,


احباب ..,


شحاذٍ لئيم ..,


مهاجرين ..,


بياعة زهور .,


وعاطلين ..,


بحّار عظيم .,


حمّالين ..,


وفي اول ظلام ..,


انتي رجعتي [ يالمواني ] خاليه ..,


تركتي للبحر كل الكلام ..,


وانا رجعت اقرا بعيوني غربةٍ مرت ..,


وظلّ الملح ..,


ولا خف الزحـــام .., الزحــــآم ..؟؟





.
.