| ads | ||||
|---|---|---|---|---|
| دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
الملاحظات
أهلا وسهلا بك إلى منتديات الأماكن.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
|
|
المشاركات 8,008 |
+التقييم 1.43 |
تاريخ التسجيل Jan 2009 |
الاقامة |
نظام التشغيل |
رقم العضوية 28341 |
13-03-2009, 10:59 PM
المشاركة
1
13-03-2009, 10:59 PM
المشاركة
1
قصيدة شاب يخطب بنت عمة المليونير
قصيدة شاب يخطب بنت عمة المليونير
سبحان من يرزق بتوع الملاييـن *** الرازق اللي ما يخيب الرجـا بـه
لي عم عنده معـرضٍ للصواليـن *** واعرف بس من وين جابـه
وإذا سألته قـال بعـت الدكاكيـن *** ما يدري إني ما هضمت الإجابـه
الشاهد إني رحت له قبـل يوميـن *** في قصره العامـر ودقيـت بابـه
قال ارحب ارحب عدّ ورد البساتين *** يا مرحبا باللـي لفـا يـا هلابـه
قلت البقا عـدّ النفـل والرياحيـن *** يا شيخ شمل اهل الكرم والذرابـه
قال اسلم الله يحفظك لي من العين *** وآمر أوامر حضرتـك مستجابـه
قلت الصراحة طالبٍ قرب غاليـن *** ودي تزوجنـي كريمتـك يـابـه
ثنّى وقال اهليـن والله وسهليـن *** والكون ترخص لجل عينك رقابـه
لكن ترا عندي شـروط وقوانيـن *** قلت اشرط اشرط يا حبيب الغلابـه
قال أولاً مهر العروسـة ثمانيـن *** غير الرسوم وغير حق العصابـه
والثانية عمك يبي منـك سبعيـن *** رسم الأبـوّة والنسـب والقرابـه
وام العروسة حقها منـك ستيـن *** عشانها ست الحسـن والمهابـه
واخوانها كلن يبي منـك خمسيـن *** عداً ونقـداً تنـدرج فـي حسابـه
وخواتها الخمس اعطهن من ثلاثين *** عشان تتوثـق عـروق النسابـه
وتجيب طقم عيار واحد وعشرين *** وخاتم من الماس المصفى ترابـه
واكياس متروسة كعوب وفساتيـن *** ألوانهـا واشكالهـا مـا تشابـه
وموتر بسواقـه وفيـلا بدوريـن *** أثاثهـا مـن بطرتـه ينحكـابـه
واحجز لنا قاعة بقصر السلاطيـن *** واحجز بهـا رقاصتيـن وربابـه
وامنع دخول اهل اللحى والبزارين *** واعزم أميـر المنطقـة بالنيابـه
هذي الشروط اللي على بالي الحين *** وذكرني اللي ما حسبنـا حسابـه
قلت اذكر الله يا عـدو المساكيـن *** واستغفـره لا يبتلـيـك بعـذابـه
الظاهر إنك منت عارف أنا ميـن *** أنا لو ارقا فـوق متـن السحابـه
ما جبت حتى نص درزن مواعيـن *** واضحك بكيفك واعتبرهـا دعابـه
شروطكم هذي شـروط المجانيـن *** شروطكم شغـل ابتـزاز ونهابـه
شروطكم تقصم ظهـور البعاريـن *** شروطكـم همّـن وغـم وكآبـه
شروطكم والله سيوف وسكاكيـن *** تذبح بنات المجتمع مـع شبابـه
وين الرضا والعطف واليسر والليـن *** اللي ذكرهـا الله بمحكـم كتابـه
وين الصفات اللي أمرنا بها الديـن *** وين اختفى نهج النبي والصحابـه
يا عم جعل اللي خلقنا من الطيـن *** يرد عقلك مـن خطـاه لصوابـه
ويجعل نصيبي عند غيرك قل آمين *** ويحسن عزا الصابر ويجزل ثوابه
قال انت لو فكرت تفكير صاحيـن *** ما شفت في مجمل شروطي غرابه
حنا بعصـر العولمـة والمزاييـن *** ماهوب عصر الفلسفة والخطابـه
الناس تسعى للرتـب والنياشيـن *** وانت اهتمامك بالشعـر والكتابـه
والشعر ما ينفعك لو هو دواويـن *** ما دام جيبك مثـل بيـت الخرابـه
يا بوك لا تسمع كلام المصاخيـن *** واسأل مجرب عاش في وسط غابه
قلت الله اكبر يا محـرر فلسطيـن *** من يسمعك يحسبك ذيـب الذيابـه
تراك شايب راس مالـك رياليـن *** والبنت ما تسوى جنـاح الذبابـه
قال انقلع مالت على وجهك الشين *** لا عاد اشوفـك عندنـا يالزلابـه
قلت ابشر ابشر لكن الباب من وين *** واقفيت من عنده على صوت بابـه..
المصدر: منتديات الأماكن
rwd]m ahf do'f fkj ulm hglgd,kdv
14-03-2009, 12:06 AM
المشاركة
2
.png "الصورة الرمزية عاشق الذات")
رد: قصيدة شاب يخطب بنت عمة المليونير
قصيدة شاب يخطب بنت عمة المليونير
سبحان من يرزق بتوع الملاييـن *** الرازق اللي ما يخيب الرجـا بـه
لي عم عنده معـرضٍ للصواليـن *** واعرف بس من وين جابـه
وإذا سألته قـال بعـت الدكاكيـن *** ما يدري إني ما هضمت الإجابـه
الشاهد إني رحت له قبـل يوميـن *** في قصره العامـر ودقيـت بابـه
قال ارحب ارحب عدّ ورد البساتين *** يا مرحبا باللـي لفـا يـا هلابـه
قلت البقا عـدّ النفـل والرياحيـن *** يا شيخ شمل اهل الكرم والذرابـه
قال اسلم الله يحفظك لي من العين *** وآمر أوامر حضرتـك مستجابـه
قلت الصراحة طالبٍ قرب غاليـن *** ودي تزوجنـي كريمتـك يـابـه
ثنّى وقال اهليـن والله وسهليـن *** والكون ترخص لجل عينك رقابـه
لكن ترا عندي شـروط وقوانيـن *** قلت اشرط اشرط يا حبيب الغلابـه
قال أولاً مهر العروسـة ثمانيـن *** غير الرسوم وغير حق العصابـه
والثانية عمك يبي منـك سبعيـن *** رسم الأبـوّة والنسـب والقرابـه
وام العروسة حقها منـك ستيـن *** عشانها ست الحسـن والمهابـه
واخوانها كلن يبي منـك خمسيـن *** عداً ونقـداً تنـدرج فـي حسابـه
وخواتها الخمس اعطهن من ثلاثين *** عشان تتوثـق عـروق النسابـه
وتجيب طقم عيار واحد وعشرين *** وخاتم من الماس المصفى ترابـه
واكياس متروسة كعوب وفساتيـن *** ألوانهـا واشكالهـا مـا تشابـه
وموتر بسواقـه وفيـلا بدوريـن *** أثاثهـا مـن بطرتـه ينحكـابـه
واحجز لنا قاعة بقصر السلاطيـن *** واحجز بهـا رقاصتيـن وربابـه
وامنع دخول اهل اللحى والبزارين *** واعزم أميـر المنطقـة بالنيابـه
هذي الشروط اللي على بالي الحين *** وذكرني اللي ما حسبنـا حسابـه
قلت اذكر الله يا عـدو المساكيـن *** واستغفـره لا يبتلـيـك بعـذابـه
الظاهر إنك منت عارف أنا ميـن *** أنا لو ارقا فـوق متـن السحابـه
ما جبت حتى نص درزن مواعيـن *** واضحك بكيفك واعتبرهـا دعابـه
شروطكم هذي شـروط المجانيـن *** شروطكم شغـل ابتـزاز ونهابـه
شروطكم تقصم ظهـور البعاريـن *** شروطكـم همّـن وغـم وكآبـه
شروطكم والله سيوف وسكاكيـن *** تذبح بنات المجتمع مـع شبابـه
وين الرضا والعطف واليسر والليـن *** اللي ذكرهـا الله بمحكـم كتابـه
وين الصفات اللي أمرنا بها الديـن *** وين اختفى نهج النبي والصحابـه
يا عم جعل اللي خلقنا من الطيـن *** يرد عقلك مـن خطـاه لصوابـه
ويجعل نصيبي عند غيرك قل آمين *** ويحسن عزا الصابر ويجزل ثوابه
قال انت لو فكرت تفكير صاحيـن *** ما شفت في مجمل شروطي غرابه
حنا بعصـر العولمـة والمزاييـن *** ماهوب عصر الفلسفة والخطابـه
الناس تسعى للرتـب والنياشيـن *** وانت اهتمامك بالشعـر والكتابـه
والشعر ما ينفعك لو هو دواويـن *** ما دام جيبك مثـل بيـت الخرابـه
يا بوك لا تسمع كلام المصاخيـن *** واسأل مجرب عاش في وسط غابه
قلت الله اكبر يا محـرر فلسطيـن *** من يسمعك يحسبك ذيـب الذيابـه
تراك شايب راس مالـك رياليـن *** والبنت ما تسوى جنـاح الذبابـه
قال انقلع مالت على وجهك الشين *** لا عاد اشوفـك عندنـا يالزلابـه
قلت ابشر ابشر لكن الباب من وين *** واقفيت من عنده على صوت بابـه..
تسلمين اختى على ها الطرح والابيات المتميزه
لاننحرم من جديدك
اخيك عاشق الذات
عاشق الذاتاسطر اهاتى بالندم لاكان مشغول
ما غير قلبى وقلبك دنيا توظيها الالم
حبك يا شاغلى اوهام بلا اى احلول
وقربك يا صاحب الود اظنانى الوهم
14-03-2009, 12:32 AM
المشاركة
3
15-03-2009, 05:41 PM
المشاركة
5
رد: قصيدة شاب يخطب بنت عمة المليونير
صح لسان شاعرها عزالله انه صدق
خيركن اقلكن مهر او بما في معنى الحديث اللهم صلي وسلم على نبينا محمد
واللي نشوفه الايام هذي لاحياة لمن تنادي
الله يوفق الجميع وييسر امورنا اجمعين لاهنتي الغاليه وننتظر جديدك
خيركن اقلكن مهر او بما في معنى الحديث اللهم صلي وسلم على نبينا محمد
واللي نشوفه الايام هذي لاحياة لمن تنادي
الله يوفق الجميع وييسر امورنا اجمعين لاهنتي الغاليه وننتظر جديدك
مادام انا آخر من تشوف له بال = ماهمني لو تقفي العمر كله
وانا لي الله ملجئي كل الاحوال = سبحانه العلاّم في كل زله
وانا لي الله ملجئي كل الاحوال = سبحانه العلاّم في كل زله
16-03-2009, 01:56 AM
المشاركة
7
« شوووق | فرقا المحبين »
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
| الموضوع | كاتب الموضوع | المنتدى | مشاركات | آخر مشاركة |
| قصيدة مجنونك تعال افهم معانيها | مہجہنہونہكـہ | ●{ذآئِقةً عَذبْــهـَ..~ | 12 | 09-02-2009 06:50 PM |
| روائع شاعر الثقلين ((ناصر الفراعنه)) !!! | تؤبر تسبدي | ●{ذآئِقةً عَذبْــهـَ..~ | 21 | 19-06-2008 05:00 PM |
| قصيدة نوت لشاعر ناصر الفراعنة وشرحها | fai9al | ●{ذآئِقةً عَذبْــهـَ..~ | 5 | 18-05-2008 02:15 AM |
| قصيدة حزينة كتبتها فتاة لحبيبها ليلة زواجه | مـــلاك الــكون | ●{ذآئِقةً عَذبْــهـَ..~ | 14 | 23-12-2007 01:29 PM |
الساعة الآن 03:08 AM.