حنـا ولامـن قلـت حنـّا تحـنـّا=كل الكـلام بعطـر تاريـخ الاجـداد
المجـد هـمّ وهـام فينـا وغـنـّا=حتى علينا من على روس الاشهـاد
يا كبـر حـظ الـي نخانـا وثنـّا=نشدّ له فوق الفخر سـرج وشـداد
ان هلّـل التاريـخ غطـرف وطنـّا=وان سولفوا عنا رجاجيـل واجـواد
وان بان لك شمس ٍ ترى ذيـك حنـّا=نشرق مادام الظلم ظلمـا وحسـّاد
يا بنت يمـّي كـان رمشـك تمنـّا=أشقّ لك ثوب السماء جـود وعنـاد
واشدّلـك زمـل جـفـن المعـنـّا=واسري بوجهك لاغشى وجهي سهاد
يـا حلـو قـدّك يـوم قـدك تثنـّا=ماحد ٍ تغنّى فيك من خـوف الالحـاد
حنـا البـدو يابنـت هـذا لحـنـّا=نحبك اكثـر لاغـدى حبـك جهـاد
وحنا البدو يـا بنـت لامـن نخنـّا=بناتنـا يثالـث العـيـد الاعـيـاد
وحنا البدو يابنـت وان قلـت حنـّا=فاح الكلام بعطـر تاريـخ الاجـداد

الموضوع الأصلي: ان سولفوا عنّا رجاجيل واجواد || الكاتب: بندر نجد || المصدر: منتديات الأماكن

المصدر: منتديات الأماكن