نار هم وضيق في جوفي
كيف عايش قلب مع ناره

نــار تشفي ونار ما تشفي
نار تحرق عقل بفكاره

وسط جوفي نار ما تطفي
لو بحور تصب وأنهاره

ولو تهل مزون ما يكفي
ولو عليه سدود منهاره

والسبب غرشوب ما يوفي
ما عرف للحب وأسراره

كل مـرجع قال أنا بقفي
كل مقفي عاد لدياره

أبتسم له ودمعتي مخفي
يبتسم لي بروح غداره

عذر يكفي وعذر ما يكفي
عذر عذر ومكثر أعذاره

ياهبوب الكوس يا ملفي
لاتجيب أعذاره وأخباره

ما نفع طيبي ولا عنفي
ولا نفعت له دموع غزاره

يعلم الله كيفها ظروفي
في بعاده الروح محتاره

في بعاده عشت مع خوفي
ولا بقالي غير تذكاره