| ads | ||||
|---|---|---|---|---|
| دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
الملاحظات
أهلا وسهلا بك إلى منتديات الأماكن.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
|
|
المشاركات 2,030 |
+التقييم 0.34 |
تاريخ التسجيل Feb 2008 |
الاقامة |
نظام التشغيل الشعر |
رقم العضوية 14925 |
16-04-2009, 05:31 PM
المشاركة
1
16-04-2009, 05:31 PM
المشاركة
1
ربيع القلب
ايابرودك ....ايابرودك ..
يابرودك ..لابعد تسال اذا اني اشتقتلك
لو تطلع لسابع سما وتنزل تحت ماعود
صدقنى مااقصد اذا مشتاق مره قلتلك
اصلا لو انا اطرى اسمك ماانته مقصود
لا تظن اهلى بزهر بالشوك كان ابى استقبلك
ياخى انته لو انه فيك دم ماكنت لي بتعود
بس لو لخوفي من عظيم ولا ودى اقتلك
موهذا للى حد قتل روحى وشرى الحدود
من زود كرهى لو اشوف ابليس و لله اتخيلك
ابليس لو يدرى بفعالك صار لك معبود
راجع بدمعه ذل تطلبنى بحسن اعاملك
لا ماطلبت تامر ..وعد منى ليال سود
وانت برجلك جيتني ولا انا مابي اقابلك
يعني اخلصت كل الدروب اتجي بدرب مسود
اصلا انا كنت انتظر فرصه وارد الدين لك
اقرب عيونى اقرب ترى كل شى لك مردود
توعدنى بدنيت فرح بس تبى قلبى يردك
لعنبوها دنيتك يالعنبوها وعود
لو تدرى باللي (ف) خاطرى اليوم ودى ابهدلك
ودى اهديك الجفا لا و بكرم وجود
مثل ماانا فووووووق وديتك اعرف انزلك
عهد اخلى البسمه فى دنياك شى مفقود
ولله لاذلك لين ماحدك انا اوصلك
تقعد مع ناسك تقول انا مو موجود
عليك انادى تقول حاضر اسمعك واتجاهلك
اجبرك تبعد وانته فى نص الطريق تعود
اهتم بك واول ماتطمن دقايق اهملك
تبني امل تشوفه تلقا للبنا مهدود
مثل ماسويت فينى ولله لاسويه لك
واتحدى تنكر تدرى بجروح اليالى اشهود
ياما ذرفت الدمع قبلك ياماصبرت اتحملك
لين ماجفت دموعى واذبلت الورود ..
حتى انا الفترة اذا دمعك على خدودك سلك
ابخوفي (ع) خدك بغيت ابادلك الاخدود
كنت اسالك فى اى شى تافهه غبى بس اسالك
عسى الاقي شى يفرحنى وسط الردود
تصدق انى كنت من كثر الغرام وحبى لك
اغلط وانادى امى باسمك بلا مقصود
محد وصل حبي ابد محد تعدى عشقى لك
امك وهى امك انا عنها احبك زود
ولا قلت بحيي بك غرامي شفته بسبابك هلك
واصبح هواك بدنيتي اسر وعنا وقيود
لا كل مالك حبل حب تشده وانا ارخيه لك
ملعون ابو حبل قضه نص العمر مشدود
وتسال اذا انا اشتقتلك انا اللى ابغى اسالك
ماتستحى تسال عقب ماشفت منك صدود
ياخى انته صاحى والا هو غرورك بعدها امهبلك
ان كنت تستهبل لك عندى هبال قرود
ياخى انته صاحى والا هو غرورك بعدها امهبلك
انت بغرورك وانا تسجد لي المعاني سجود
ومن عقب حبي الاعمى اللي مخليني دوم انقاد لك
ابشر ربيع القلب ناوي انه يقودك قود
تدرى بغيت اقول شى وخايف انى ازعلك
انت اذا عشره بغوك وانا بليا حدود
انته انته وين رحت ...فكرك لوين موصلك
الاول انا مثلك وكل ما بك جفا وبرود
طيب تره يافلان والله اللي كملك
صبرك لاروايك الجزى للى بدى بجحود
لا تظن هذا بس كلام والا انا ناوى ازلزلك
صدقنى ياعيونى ترانى قدها واقدود
الدبلـــــــــــــه
شافت الدبله فيدّي وازعلــــــــــــــــت
والملامح في محيّاها غضــــــــــــوبه
وسكتت لحظه.. وجتني وسألـــــــــت
يا غلا..ليكون ملجه..او خطـــــــــوبه
ما قدرت اتكلم وعيني اخجلــــــــــت
قمت اطالع خاتمي..وانظاري صـوبه
حلّفتني حيل.. حيل اتوسلــــــــــــــّت
قلت آسف..وادري ماهمتها تـــــــوبه
قلت كلمه..الدنيا فيها اتزلزلــــــــــت
قلت روحي ابروح غيرج امغصوبه
شفت دمعه اتحجرت ..بس انزلــــت
من عيونٍ ناعسه كلها عذوبــــــــــه
طالعتني وطالعت واتأمــــــــــــــلت
جنها تلعن زماني وكل عيــــــــــوبه
وابصعوبه حروف من فاها اوصلت
والسكون اصبح كما الريح وهبـوبه
اكرهك قالتها بس متحمـــــــــــــلت
والله مسكينه من اقليبي وذنــــــوبه
قالت الدنيا من افراحي خلــــــــــت
انحكم ابكي من ظروف امكتــــوبه
قمت انا اتبسم وضحكاتي علــــــت
وقلت اسف قصتي كلها كذوبـــــــه
كنت اجرب دبله ..يدي ابها ابتلـت
واعلقت ما تطلع الا بكلْ صعـــوبه
::دموع الشوق::
دموع الشوق لو تدري.. معاني فيها مخفيـــّه
وأنا مقدر أوفـــــّي لو بتنشدني خوافيــــــــــــــــــها
حكايا بعضها أسرار..وفيــها قصه مرويـــــــّّه
وإذا برويها هالقصه..يروح العمر منهيــــــها
بقايا ذكريات وحزن..باقي أحلام ورديــــــــّه
ملامح ما توّضحها سوى أسرار ماضيـــــــها
جسد والاسم يتحرك..وعنه الروح منفيــــــــّه
غموض فداخلي مبهم..خوافي صدق مدريــها
صدى يتردد فأذني..أظّنه لحن أغنيـــــــــــــّه
عرفته..لحن غنّاه الـزمان المــــرّ هو فيـــــــــــها
ليالي مظلمه وسوده..وفيها اشموع مطفيــــــّه
متاهات امشي وحسب بنتهي واثرْ انّي باديـــــها
حفرت افداخلي حفره..دفنت سنين منسيـــــــّه
دفنت آهات تصحبها ..دموع الشوق ترويـــها
مشاعر فيني هي ماتت..أو اْحسبها شبه حيـــّه
وبعده منخلق شي ٍّ بطاري الفرح يغريـــــــها
زهورٍ اذبلت فيني ..بماي الهجر مرويــــــــّه
قصور ٍهدّها بعد ٍعقب ما كنت ابنيـــــــــــــها
اقولك.. إنسى هالقصه.. ترا هالقصه منسيـــــّه
دموع الشوق ابد متجفّ وان طال الحكي فيـها
::خبر كان::
اخاف اتعلق ابحبك يجيني اليوم واتنــــــــدم
وجددّ بك قديم الجرح واْذكر فيك ماضن كـان
انا حبيت من قبلك ..تجرع قلبي العلـــــــــقم
هويت اللي تركني في غديره للهوى ظمـــيان
دخيلك لا تلوم اللي تعذّب حيل واتألــــــــــم
وتدري اللي خسر مره يخاف يكرر الخســران
انا للحين اتعذّب وجرحي فيني يتحـــــــــكم
تصدق يالغلا للحين ماني قادر النسيــــــــــــان
انا منكر بحاجه قلب ياخذ بيدي وآســــــــلم
ترا لو رحت ولا جيت.. فالاخر انا انســـــــان
انا ودي الاقي حضن له اشكي واتكــــــــلم
وقلب ايحرر اعماقي وانا بين اربعة جـــدران
رجيتك حس في قلبي دخيلك بس تتفـــــــهم
ترا بك شفت ومضه.. يمكن اتبدد ظلم لـحْـزان
ولكن خوفي م الماضي واحس به انّي اتوهم
وخاف القى خفوقي ال ثاني مره في خبرها كان
::كيف اتغير؟::
كيف يا روحي انا أتغيّر عليـــك
كيف انا اقدر فيوم اتخلّى عنــّك
فالحشا حبك غرسته وْبـــيـديــــــك
ليه بس خايف ..حياتي والله منّك
ما احبك..بس انا مجنون فيـــــك
واللي جابك لي تراني مهتونّــك
فدوى لك عمري ترا قلبي يبيـك
لاجل اني اعشقك حبيت فنـّـــك
لا تفكر لا تظن..دام اهتويـــــك
يا حياتي تكفا لا تزعلني منــّـك
انته ادرى الناس لو تبعد ..اجيك
صدّق اْبحبي وكذب كلّ ظنــّـك
:ساعة ملامة::
دامها ساعة ملامة ..ذاني وبكــلـــّي قبالك
لاني خايف ولا شاكــك لو دقيقـه انـي خطيـت
بس اقولك خلنـي ابدا لانـي ادرى وش فبالـك
بعد ما خلص كلامي لـك حبيبـي مـا بغيـت
تبغي تسأل لي هجرت .. آنا باجـاوب سؤالـك
شوف ياطيب.. انـا لانـي هجـرت ولا قفيـت
اظلموني ..واجبرونـي بالهجـر اقطـع حبالـك
جيت بتحـدى ظلمهـم الله يشهـد مـا قويـت
انته لو تدري بعذابــــي ..شي ميْجي فـي خيالـك
كنــــّهم حولـي جحيـم.. وانـا لجلـك انكويـت
وآنا لا لي حول ولا قوه ولـي جالـي مجالـك
والله لو حتى حجار ابــتبكـي اكثـــــر مـا بكيـت
بس حسافه لي صبرت.. امعشم احلامي بزلالك
جيت وانا روح عطشى.. جيتك وليت ارتويـت
جيت وانا في جحيم الظلـم وأحلامـي ظلالـك
مـا لقيتـك الا شمس(ن) احرقتنـي وانتهـت
انا متعـذب هنـاك انتـه ولا حتـى فبالـك
لك شربت المر كلـه وانتـه بالحلـو انغــريـت
انا بعت الكون هذا لجل بس اشـري وصالـك
وانته بعت اللي يحبك وابهنـا الدنيـا التهيـت
كـنت اتحمـل واصبـر مابـي بلوايـه تنالـك
قلـي بالله افذ متـــك ..شفتنـي مـره شكـيـت
لما قالولك بهمـي.. انتـه بالله ووش عطيـت
انته وش سويت قلّي .. ولا بس خايف عا حالك
حتى كلمـه طّيبـه فيهـا اتصبـر.. مالقيـت
كنت ابعد شخص عني واحسب ان قلبي حذالـك
ولا لاتنــكر ..كنت تدري انـّي تهـت بليـل حالك
وتدري انتي خذت من جور الشقا لين اكــتـــفيـت
كنت متجاهل عذابي كـن انـا مالـي ومالـك
والتجاهل كان اصعب لو علـي انتـه قسيـت
كيف نسـّـــتـك الليالـي وانـا متذكـر ليـالـك
كيف قلي كيف بعـد التضحيـه هـذي نسيـت
كنــت انا امشي بكيفك..مع حرامك..مع حلالك
المهم ارضي غرورك كيف ما تبغينـي جيـت
كم علي مروا بدلال وانا بـس عاشـق دلالـك
كنت مسجون بغرورك وفوق هذا انـا رضيـت
مادريت انـك حياتـي وكـل مافينـي وفالـك
مادريـت انـي احبـك.. والله شكلـك مادريـت
يابرودك.. تقتل الي روحه واحساسه فدالك
كيف بـس تقتـل قتيـل وفجنازاتـه مشيـت
وجيتني تبغي تعاتـب واتكلـم عـن وصالـك
روح ياخي ليتنـي مـا يـوم ويـاك ابتليـت
::نسيت نفسي::
على غفلة من الفرحه.. ذكرت امسي
وقلب(ن) امس يعشقي ..وبدا يقــسي
وقسوة مدري وين انته مخبيها
قسوة منـْك متعودت الاقيــــها
حبيبي ما ابي تزعل..
بس شكلي.. نسيت نفسي..
تغيرت.. وارى ما حولي اتغــــير
وحتى الورد الاحمر ماغدا الاحمر
تصدق لو اموت وما انـذرف دمعــك
عليّ اهون من انّـك تبقى في طبعك
حبيبي ما ابي تزعــــل..
بس شكلي.. نسيت نفسي
الا وينه حبيبي هذا مو انــــته
ووين الحب لي في خاطرك شلته
حبيبي لو تبيني ردّ منّك.. لك
عشاني مابي بعضك.. لا ..ابي كلك
حبيبي ما ابي تزعل
بس شكلي.. نسيت نفسي
شــــــــــــــــوووق
المصدر: منتديات الأماكن
vfdu hgrgf
كل الشكر للغاليه ...
شيطونه
ربي لايحرمنا منك ...
من بغى يمشي بجنبي لاجل يوصل (مستواآآي)
بلغه خاآآلص تحياتي وقله (يستريح)
ok ياقمر
16-04-2009, 08:25 PM
المشاركة
2
16-04-2009, 11:37 PM
المشاركة
3
17-04-2009, 10:00 AM
المشاركة
5
رد: ربيع القلب
كلمات أكثر من رائعه... نابعــــــــة من قلب هز كيانه
الشــــــــــــــــوق....
نتطــلع الـــى المزيـــــد ...
شـــــــــــــــــوووق ...
دمتِ للإبداع فخرآ
الشــــــــــــــــوق....
نتطــلع الـــى المزيـــــد ...
شـــــــــــــــــوووق ...
دمتِ للإبداع فخرآ
ثِقُـوآ تَمَامَاًإ .,
أَن الْسَّمَآء كَبِيـْرَة جِدّاً . .
تَتَّسِع لِكُل رَسَائِلُكُـم المُتلَهْفة لِلْإِجَابَة
فَقَط أَكْثِرُوْ مِن قَوْل : يَ رَ بَ
20-04-2009, 09:12 PM
المشاركة
6
20-04-2009, 10:53 PM
المشاركة
7
20-04-2009, 10:59 PM
المشاركة
8
رد: ربيع القلب
دامها ساعة ملامة ..ذاني وبكــلـــّي قبالك
لاني خايف ولا شاكــك لو دقيقـه انـي خطيـت
بس اقولك خلنـي ابدا لانـي ادرى وش فبالـك
بعد ما خلص كلامي لـك حبيبـي مـا بغيـت
تبغي تسأل لي هجرت .. آنا باجـاوب سؤالـك
شوف ياطيب.. انـا لانـي هجـرت ولا قفيـت
يعطيــــكـ العــافيهـ نقل ولاآآآآ أروع من كذا لاني خايف ولا شاكــك لو دقيقـه انـي خطيـت
بس اقولك خلنـي ابدا لانـي ادرى وش فبالـك
بعد ما خلص كلامي لـك حبيبـي مـا بغيـت
تبغي تسأل لي هجرت .. آنا باجـاوب سؤالـك
شوف ياطيب.. انـا لانـي هجـرت ولا قفيـت
تسلم الايادي
ماآآآآآآقصرتــي
.
،
.
مودتـــي
~
أنت .. [ .. الحيــــــــــــــآة.. ]
وباقي الناس لي /..[ .. مــــــــــووت !.. ]
......... كيف ألتفت لَــ الموت , و أترك حياتي ؟!
21-04-2009, 11:31 PM
المشاركة
9
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
| الموضوع | كاتب الموضوع | المنتدى | مشاركات | آخر مشاركة |
| قاموس الحب بأحرف الهجاء | براءة روح | ●{ منتدى الأماكن العام ~ | 6 | 31-08-2009 11:35 PM |
| ابجدية الحب | الكابتن كفاية | ●{ منتدى الأماكن العام ~ | 6 | 22-03-2009 08:54 PM |
| * مختارات القلب * | | ▐الخلــود ▐| | ●{ منتدى الأماكن العام ~ | 4 | 21-06-2008 11:23 PM |
| أين يقع العقل ؟؟؟ قضية للنقاش !!! | الوسيط | ●{ منتدى الأماكن العام ~ | 10 | 19-11-2006 12:57 AM |
الساعة الآن 06:20 AM.